31 Mart Azərbaycanlıların Soyqırımı Günüdür.
1918-ci ilin mart soyqırımları öz amansızlığına və miqyasına görə təkcə Azərbaycan tarixində deyil, bəşər tarixində də ən qanlı faciələrdən biridir. Əllərinə düşən fürsətdən istifadə edən ermənilər uşaq, qoca, qadın demədən minlərlə insanı qılıncdan, süngüdən keçirdilər, diri-diri yandırdılar. Milli memarlıq incilərini, məktəbləri, xəstəxanaları, məscid və digər abidələri dağıtdılar. Bakının böyük bir hissəsini xarabalığa çevirdilər. Azərbaycanlıların soyqırımı təkcə Bakıda deyil, Şamaxı, Quba qəzalarında, Qarabağda, Zəngəzurda, Naxçıvanda, Lənkəranda, Gəncədə və digər bölgələrdə xüsusi qəddarlıqla həyata keçirildi. Bu ərazilərdə dinc əhali kütləvi surətdə qətlə yetirildi, şəhər və kəndlər yandırıldı, milli mədəniyyət abidələri dağıdılıb məhv edildi.
31 Mart soyqırım faciəsinin 104-cü ili tamam olur. Tədbirlər planına əsasən direktor müavini Cəfərzadə Cavid Əli oğlunun təşkilatçılığı ilə məktəbin tarix müəllimi Hüseynov Raminin təqdimatında tədbir təşkil olunmuşdur. Faciə qurbanlarının əziz xatirəsi bir dəqiqəlik sükutla yad edildi.
