İbtidai siniflərdə Novruz şənliyi təşkil olunmuşdur.
Novruz «təzə il» deməkdir, baharın ilk günüdür. Bütün müsəlmanların həyatında əsl yeni ilə həmin gündən başlanır. Novruzun gəlişi ilə evlərə, ailələrə yeni büsat, şadlıq və sevinc gətirir. Hamı çalışır ki, bu bayramı yüksək təntənə ilə, ürək sevinci ilə, qəlb fərəhi ilə qarşılasın. Hər evdə, hər ailədə Novruz bayramına əvvəlcədən hazırlıq gedir. Analar, bacılar şəkərbura, paxlava, şorqoğal və başqa nemətlər bişirir, bolluq və bərəkət rəmzi olan səməni qoyurlar.
Novruz bayramı ilə bağlı silsilə tədbirlər davam edir. Məktəbin tədbirlər planına əsasən Cəfərova Xəyalənin təqdimatında Novruz şənliyi təşkil olunmuşdur.
