Şəhid ailələri ziyarət olundu.
İlin ən gözəl fəsillərindən biri bahardır. Bu fəsil gözəllik fəsli, xoş əhval-ruhiyyə fəslidir. Bahar gələndə təbiət canlanır, torpaq isinir, ağaclar oyanır. İlk yarpaqlar, çiçəklər təbiəti bəzəyir.
Ulularımız çox qədim zamanlardan baharın ilk gününü yeni ilin başlanğıcı kimi bayram şənlikləri ilə qarşılayırlar. Bu Bahar bayramı adlanır. Sonralar bu bayramı Novruz bayramı adlandırmışlar. Novruz səmimiyyət bayramı, xoş arzular bayramıdır.
Bu münasibətlə ilk növbədə Vətən müharibəsində Vətəni üçün fədakarlıq göstərən qəhrəmanlarımızı yad etdik. Məktəbin məzunu , şəhid Vaqif Mərdanovun ailəsini, qazilərimiz Rövşən Məmmədov və Qurbanlı Niyazinin ailələrini ziyarət edərək bayram sevincini bölüşdük.
Bahar xoş ovqatdır, xoş əhvali-ruhiyyədir, arzudur, istəkdir, amaldır. Yurdum, vətənim həmişə bahar təravətli, bahar ovqatlı olsun, xalqımızın üzündən bahar gülüşü, bahar şənliyi əskik olmasın!
