Məktəbin tədbirlər planına əsasən məktəbin şəhid məzunu "Vaqif Mərdənovun anım günü" başlığında tədbir təşkil olunmuşdur.
Məktəbin tədbirlər planına əsasən tərbiyə işləri üzrə direktor müavini Cəfərzadə Cavid Əli oğlunun təşkilatçılığı ilə məktəbin ibtidai sinif müəllimi Balayeva Nurtənin təqdimatında məktəbin şəhid məzunu "Vaqif Mərdənovun anım günü" başlığında tədbir təşkil olunmuşdur.
Tədbir Azərbaycan Respublikasının dövlət himni ilə açıq elan edildi. Şəhidlərin ruhu bir dəqiqəlik sükutla yad edildi. Vaqifin həyat yolundan, şagird xatirələrindən söhbətlər edildi. Şeirlər səsənildi və nəğmələr ifa olundu. Vaqifin həyat yolundan bəhs edən video çarx nümayiş olundu.
Tədbirdə çıxış edən məktəbin direktor müavini Cəfərzadə Cavid Əli oğlu bildirdi ki, vətən uğrunda qəhrəmancasına şəhid olması, xalqımızın milli dəyərlərə və torpaq sevgisinin nəticəsidir. Direktor müavini Elşən Muqumov çıxış edərək bildirdi ki, şəhidlər hər birimizin and yeridir. Sonda məktəbin direktoru Nizaməddin Ağayev çıxış edərək fikirlərini "Şəhidlər ölməz, vətən bölünməz, VAQİF şəhidlik məqamına yüksəltməklə hər bir şəxsin qəlbində silinməz bir iz buraxdı" deyərək bildirdi. Həmçinin qeyd etdi ki, ali baş komandan İlham Əliyevin ətrafında sıx birləşmə 30 illik həsrətə son qoydu.Ümumilikdə bütün şəhidlər bizim qəlbimizdədir. Allah bütün şəhidlərimizə rəhmət eləsin.
