"Qarabağın füsunkar təbiəti" mövzusunda onlayn təqdimat keçirildi
Azərbaycanın füsunkar və dilbər guşəsi, dünyada çox nadir və təkrarolunmaz iqlimə, bitki örtüyünə və heyvanlar aləminə malik olan Qarabağ torpaqları uzun illər düşmən tapdağı altında qalmışdı. Nəhayət, II Qarabağ
müharibəsi zamanı bu torpaqlar işğaldan azad olundu. Vətən müharibəsi
nəticəsində eyni zamanda yalnız Azərbaycan üçün endemik olan, dünyanın
heç bir yerində təbii halda rast gəlinməyən bir çox bitki növləri ilə yanaşı,
heyvan növləri də düşmən tapdağından azad edildi.
Qarabağ ərazisində bir çox bitki növləri, o cümlədən Hirkan şümşadı, Qafqaz xədicəgülü, gözəl təkəsaqqal, ayı fındığı, adi şabalıd, Şərq çinarı, sağsağan gülxətmisi, təkdənli buğda, Qarabağ dağlaləsi və s. yayılmışdır. Azərbaycanın Şuşa, Laçın, Zəngilan, Qubadlı, Kəlbəcər rayonları dərman bitkilərinin vətəni hesab olunur. Bu ərazilərdə kəklikotu, qantəpər, qırxbuğum,
andız, itburnu, əvəlik, erkək qıjı, qatırquyruğu, boymadərən və s. dərman bitkilərinə rast gəlinir. Müalicə məqsədilə dərman bitkilərinin yarpağından, kök və kökümsovlarından, tumurcuğundan, ağac və kolların qabıqlarından istifadə
olunur.
Məktəbin tədbirlər planına əsasən Azərbaycan xalqının tarixi qələbəsinin tədrisdə əks etdirilməsi ilə bağlı təhsil nazirinin F-512 saylı əmrini təmin etmək məqsədi ilə tərbiyə işləri üzrə direktor müavini Cəfərzadə Cavid Əli oğlunun təşkilatçılığı ilə, məktəbin biologiya müəllimi Azər müəllimin təqdimatında "Qarabağın füsunkar təbiəti" mövzusunda onlayn təqdimat hazırlamisdir.
