Qələbəyə inamla!
Bildiyimiz kimi istedadlı şagirdlərin aşkar edilməsi, onlarda fənlərin dərindən öyrənilməsinə marağın artırılması, bilik və bacarığı, eləcə də çalışqanlığı ilə seçilən şagirdlərin qiymətləndirilməsi məqsədilə 8-11-ci siniflər arasında Respublika Fənn Olimpiadaları keçirilir. Bir neçə mərhələdə təşkil edilən fənn olimpiadalarında qalib şagirdlərin qalib olduqları fənn üzrə ixtisaslara imtahansız qəbul edilməsi onlarda olimpiadalarda iştirak edərək müvəffəqiyyət qazanmaq marağını artırır. Belə ki, son illərdə respublika fənn olimpiada qalibərinin ali məktəblərə qəbul zamanı topladığı balların daha yüksək olduğu müşahidə edilir.
10-12.02.2021 tarixlərində RFO rayon (şəhər) mərhələsi keçirilmişdir. Müxtəlif fənlər üzrə olimpiadalarda iştirak edən məktəbin şagirdləri Məmmədli Fatimə, Məmmədli Rəvanə, Əlquliyeva Fatimə, Nuriyev Orxan, Nuriyev Murad, Muqumova Lyudmila, İlqarə Nəzərli yüksək nəticələr göstərərək növbəti tura -respublika mərhələsinin yarımfinal turuna vəsiqə qazanmışlar.
Bununla əlaqədar olaraq məktəbin direktoru Nizaməddin Ağcayev, təlim-tərbiyə işləri üzrə direktor müavini Şəfiqə Həsənova qalib şagirdlərlə görüşərək söhbət etmişdir. Söhbət zamanı Nizaməddin Ağcayev məktəbin tədbirlər planına uyğun olaraq təhsilalanların bilik , bacarıq və istedadlarının aşkar edilməsi formalaşdırılması, stimullaşdırılması stiqamətində həyata keçirilən tədbirlərin müsbət nəticələri, ümumtəhsil müəssisələrində savadlı və intellektual gənc nəslin yetişdirilməsinin cəmiyyətin gələcək inkişafı üçün ən prioritet məsələlərdən biri və birincisi olduğunu qeyd etdi. Şəfiqə Həsənova məktəb rəhbərliyinin istedadlı və savadlı şagirdlərin hazırlığı üçün ayırdığı xüsusi diqqətin təqdirəlayiq olduğunu vurğuladı. Məktəb rəhbərliyi şagirdəri təbrik edərək onları məktəbin fəxri Diplomları ilə təltif etdi.
Şagirdlərə növbəti mərhələdə uğurlar diləyirik!
