"Mənim motivasiyam-sənin uğurun "seminarı
May ayının 11-də Azərbaycan Dillər Universitetində (ADU) universitetin İnformasiya Resurs Kompleksində SABAH qrupu tələbələri Aygün Bayramova, Fatma İsmayılova və Rəvanə İbrahimovanın birgə təşkilatçılığı ilə “Mənim motivasiyam-sənin uğurun” adlı seminar keçirildi.Yuxarı sinif şagirdləri üçün nəzərdə tutulmuş tədbirin əsas məqsədi onları tələbə adını qazanmağa həvəsləndirmək, hazırlıq prosesi zamanı qarşılaşdıqları problemləri aradan qaldırmaqda yardımçı və dəstək olmaq idi.Üç saat davam edən seminarda təlimçi Coşqun Kərimov iştirakçılara öz abituriyent tarixçəsindən söz açdı, qarşıya qoyulan məqsəd üçün çox çalışmağın və zamanı düzgün bölməyin vacib olduğunu bildirdi. Aktiv iştirak edən şagirdlərə müəllifi olduğu “Kvan” kitabını da hədiyyə etdi.Dövlət İmtahan Mərkəzinin əməkdaşı Vəli Hüseynov isə şagirdləri maraqlandıran sualları cavablandıraraq, xaricdə təhsil proqramları və imkanlar barədə məlumat verdi.Seminar xatirə şəkillərinin çəkilməsi ilə yekunlaşdı.Seminarda məktəbimizin 9 və 11-ci sinif şagirdləri də iştirak edirdi.
