Unutmaq olarmı sizi şəhidlər ?!
20 Yanvar faciəsinin otuzuncu ildönümü haqqında Azərbaycan Respublikası Prezidentinin 13.12.2019 -cu i tarixli Sərəncamı, “20 Yanvar faciəsinin otuzuncu ildönümü"ilə bağlı Təhsil nazirinin 29 dekabr 2019-cu il F-771 nömrəli əmrinə, Bakı şəhəri üzrə Təhsil İdarəsinin 30.12.2019-cu il tarixli, F-529 nömrəli əmrinə, məktəbin 30.12.2019-cu il tarixli, 90 /1 nömrəli əmrinə əsasən "Məktəbin İllik Fəaliyyət Planı"na uyğun olaraq ibtidai sinif müəllimi Səidə Süleymanova rəhbərlik etdiyi 4"A" sinfinin şagirdləri ilə anım gününə həsr olunmuş tədbir keçirdi. Tədbirdə şagirdlər o günlərin faciəvi anlarını əks etdirən səhnəciklərlə, şeir parçaları ilə şəhidlərin xatirəsini bir daha yad etdilər və videoçarxlar nümayiş olundu. Məktəbin direktoru Nizaməddin Ağcayev öz çıxışında otuz il əvvəl Azərbaycan xalqına qarşı törədilmiş cinayətin əslində bəşəriyyətə, humanizmə, insanlığa qarşı həyata keçirilmiş dəhşətli terror aktı olduğunu, və bu qan yaddaşlı tariximizi heç zaman unutmamağı, şəhidlərimizi hər zaman hörmətlə yad etməli olduğumuzu bildirdi. Tədbirdə iştirak edən şəhid ailəsindən olan Şövkət xanım şagirdlərin çıxışlarını yüksək qiymətləndirərək qeyd etdi ki ,hər bir azərbaycanlının öz qəhrəmanlarını beləcə ehtiramla yad etməsi ürəyi yaralı şəhid ailələri üçün hardasa bir təsəlli vericidir.
