Mən sən boyda ucalıqda dağ zirvəsi tanımadım
Məktəbin rus dili müəllimi Xalidə Süleymanovanın təşkilatçılığı ilə ümummilli lider Heydər Əliyevin anım günü münasibəti ilə daha bir tədbir həyata keçirildi. Tədbirdə şagirdlər dahi şəxsiyyətin həyat yoluna bir daha nəzər salaraq, Heydər Əliyevi öz gözəl çıxışları ilə yad etdilər. Təlim tərbiyə işləri üzrə direktor müavini Şəfiqə Həənova, Elşən Muqumov ,tərbiyə işləri üzrə direktor müavini Cavid Cəfərzadə çıxış edərək tədbirin təşkilini yüksək qiymətləndirdilər və vətənin yüksəlişində danılmaz,əvəzsiz xidmətləri olan ulu öndər Heydər Əliyevi hər zaman ehtiram və hörmətlə yad etdiklərini bildirdilər.Sonda məktəbin direktoru Nizaməddin Ağcayev öz çıxışında qeyd etdi ki, Heydər Əliyev dünyanın nadir, unikal, seçilən siyasət adamı idi. O, dünya siyasətinə təsir etmək gücündə olan lider idi. Liderlər var ki, siyasi fəaliyyət, dövlət idarəetməsi sahəsində uzun illər çalışıb püxtələşdikdən sonra tanınırlar. Elə adamlar da var ki, bu, onlarda fitrən mövcuddur, genlərində kodlaşdırılıb, bir sözlə, ilahi vergidir. Buna Allahdan lider deyirlər. Heydər Əliyev məhz ikincilərdəndir. Digər vacib məqam səlahiyyət məsələsidir. Heydər Əliyev tək Azərbaycan səviyyəsində deyil, keçmiş ittifaq səviyyəsində, hətta Qərb miqyasında sözünün keçəri, lider idi. O, beynəlxalq səviyyədə düşünməyi və təhlillər aparmağı bacarırdı. Bu iki məqam onu həmkarlarından əhəmiyyətli dərəcədə fərqləndirən professional cizgilərdəndir.Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar, əldə olunan nəticələr xalqın sabaha olan inamını qat-qat artırmış, Heydər Əliyev yolunun layiqincə davam etdirildiyinə, memarı olduğu müstəqil Azərbaycanın etibarlı əllərdə olduğuna möhkəm əminlik yaratmışdır. Ulu öndər Heydər Əliyev siyasətinin Prezident İlham Əliyev tərəfindən uğurla davam etdirilməsini aydın görən xalqımız bu siyasəti yüksək dəyərləndirir və onun ətrafında daha sıx birləşirlər. Cənab İlham Əliyev ulu öndərin siyasi kursunu layiqincə davam etdirməklə, xalqımızın və dövlətçiliyimizin bu kursun mahiyyətindən doğan milli maraqlarını beynəlxalq miqyasda təmin edir. Heydər Əliyev siyasətinin uğurla həyata keçirilməsi müstəqilliyimizi möhkəmləndirir, dövlətçiliyimizi qüdrətləndirir və nəticədə beynəlxalq aləmdə Azərbaycan Respublikasının rolunu və nüfuzunu artırır.
