Sənin adınla bağlı bu xalqın hər zəfəri.
Məktəbin Azərbaycan dili və ədəbiyyat müəlllimi Sevinc İsmayılova 5"B"sinfində ulu öndər Heydər Əliyevin anım günü ilə əlaqədar tədbir keçirdi. Şagirdlər şeir parçaları ilə ümummilli lideri yad etdilər,dahi şəxsiyyətin həyat yolunu əks etdirən video çarxlar nümayiş olundu. Məktəbin dirketoru Nizaməddin Ağcayev ulu öndəri hörmətlə anaraq öz çıxışında Azərbaycan xalqının tarixində və taleyüklü məsələlərin həllində müstəsna xidmətləri olan tarixi şəxsiyyətlər, görkəmli siyasət və dövlət adamları çox olmuşdur. Bunlar zaman-zaman gördükləri böyük işləri və əməlləri ilə yadda qalmış və unudulmamışlar. Belə tarixi şəxsiyyətlər içərisində Azərbaycan xalqının ümummilli lideri adını qazanmış görkəmli dövlət xadimi, dünya miqyaslı siyasətçi Heydər Əliyevin xüsusi rolu vardır. Çünki dövlət xadimlərindən ancaq bu dahi şəxsiyyət milli lider səviyyəsinə yüksəlmişdir. Milli liderliklə siyasi liderlik keyfiyyətlərinin bir dövlət adamında birləşməsi bəşər tarixində nadir rast gəlinən unikal haldır. Ulu öndər bu iki keyfiyyəti ehtiva etməklə bərabər, fəaliyyət göstərdiyi bütün digər sahələrdə də özünü məhz birinci şəxs kimi, lider kimi təsdiq etdiyini vurğuladı .
