16 il sənsiz!
Suraxanı rayonu Heydər Əliyev Mərkəzində Ümumilli Lider Heydər Əliyevə həsr olunmuş anım tədbiri keçirildi. Tədbirdə şagirdlərin ifasında ədəbi-bədii kompozisiya təqdim olundu. Ulu Öndərin genişmiqyaslı fəaliyyətini əks etdirən videoçarxlar nümayiş etdirildi. Suraxanı rayonu Heydər Əliyev Mərkəzinin müdiri Zəkiyyə xanım çıxış edərək Heydər Əliyevlə bağlı xatirələrindən danışdı. Sonda məktəbin direktoru N.F.Ağcayev xalqın xilaskarı, Müstəqil Azərbaycan dövlətinin qurucusu, banisi, memarı, əbədiyaşar lider, böyük tarixi şəxsiyyət Heydər Əliyevin öz müdrikliyi, cəsarəti ilə Azərbaycan xalqının sevgisini qazanması, 1993-2003-cü illərdə aparılan siyasət nəticəsində Azərbaycanın inkişaf yoluna qədəm qoyması, beynəlxalq aləmdə daxili siyasətlə bağlı olan bütün məsələlərdə öz prinsipial mövqeyini nümayiş etdirməsi, dünyada böyük hörmətə malik olması, ölkə daxilində başlanan islahatların dövlətimiz üçün həlledici rol oynaması barəsində ətraflı söhbət etdi və bu tədbirin hazırlanmasında əməyi olan məktəbin ingilis dili müəllimi Rəhilə Hacıyevaya, Azərbaycan dili və ədəbiyyatı müəllimi Ülkər Yaqubovaya və məktəblilərə təşəkkür etdi.
