Qazilərimizlə görüşümüz
5 noyabr 2024-cü il tarixdə məktəbimizin 8Ç sinif şagirdləri və sinif rəhbərləri Kəmalə Məmmədovanın təşkilatçılığı ilə "Zəfər günü"nə və "Bayraq günü"nə həsr olunmuş tədbir keçirdilər.
Tədbirdə Vətən müharibəsi qaziləri - Bəhruz Ələkbərzadə, Elsevər Nurili və Kərim Şərifov fəxri qonaq qismində, həmçinin məktəb rəhbərliyi və valideynlər iştirak edirdilər.
Tədbir olan zala ilk öncə Dövlət Bayrağımız gətirildi, Dövlət Himni səsləndi və şəhidlərimizin əziz xatirəsi bir dəqiqəlik sükutla anıldı.
Şagirdlərin qonaqlarımızı müxtəlif şerlərlə salamladıqdan sonra tədbirin fəxri qonaqlarına suallarını ünvanladılar. Qazilərimiz şagirdlərin suallarına həvəslə cavab verərək öz döyüş yollarından danışdılar.
Qazilərlə görüş şagirdlərimizə vətənpərvərlik hissinin aşılanmasında böyük rol oynayır.
Sonda məktəbin direktor əvəzi Ülkər Hüseynova tədbir haqqında öz ürək sözlərini dedi və qazilərimizə iştirakıları üçün təşəkkür etdi.
