Bəşəriyyət tarixində ən əlamətdar gün.
Qadınlar həyatın mənası, bəzəyi və əbədi gözəlliyidir. Ülvilik, zəriflik və gözəllik rəmzi olan qadın, ana adı ölkəmizdə həmişə uca tutulmuşdur. Azərbaycan qadını bütün dövrlərdə öz istedadı, zəkası, iradəsi və əzmi ilə milli-mənəvi dəyərlərimizin qorunub saxlanması və yaşadılmasında müstəsna xidmətlər göstərmişdir. Tarix boyu Azərbaycanda qadına-anaya daim böyük ehtiram və hörmət bəslənmiş, ana həmişə müqəddəs olmuş, namus, qeyrət rəmzi sayılmışdır. Müdrik hökmdar, cəsur sərkərdə, istedadlı şair və sənətkar qadınlarımızın adları çoxəsrlik tariximizin səhifələrinə qızıl hərflərlə yazılmışdır.
Bəşəriyyət tarixində ən əlamətdar günlərdən biri olan 8 Mart Beynəlxalq Qadınlar Günü bayram kimi hər il müxtəlif dünya dövlətlərində, eləcə də respublikamızda təntənəli şəkildə qeyd olunur. Bu gün 1975-ci ildən Beynəlxalq Qadınlar Günü olaraq qeyd edilir.
Məktəbimizdədə bu gün münasibəti ilə tədbir keçirildi. 2-ci sinif şagirdləri hazırladıqları rəqsləri və şeirləri təqdim edərək müəllimləri təbrik etdilər. Məktəbin direktoru Sərvinaz Hüseynova bütün qadın müəllimləri təbrik etdi və onları tərifnamə ilə təltif etdi. Bayram münasibəti ilə müəllimlərə güllər təqdim edilərək xatirə şəkilləri çəkildi.
