Ümummilli Lider Heydər Əliyevin anım günü
Bu gün müstəqil Azərbaycan dövlətinin memarı və qurucusu, dünya şöhrətli siyası xadim, xalqımızın Ümummilli Lideri Heydər Əliyevin vəfatından 21 il keçir. Bununla əlaqədar olaraq məktəbimizdə tədbir keçirildi. İlk öncə Azərbaycan Respublikasının Dövlət Himni səsləndi və Ümummilli Lider Heydər Əliyevin əziz xatirəsi bir dəqiqəlik sükutla yad edildi. Tədbirdə Heydər Əliyevin nəsillərə nümunə olan həyat və fəaliyyətindən, onun xalq və ölkə qarşısındakı əvəzsiz xidmətlərindən, Azərbaycanın müstəqilliyi yolunda atdığı uğurlu addımlardan bəhs olundu.
Anım tədbirində Xudat İsrafilovun rəhbərlik etdiyi VIII “a” sinif şagirdləri Ulu Öndərə həsr olunan şeirlər söyləyib, ədəbi-bədii kompozisiyalar nümayiş etdirdilər. Həmçinin Heydər Əliyevin həyat və fəaliyyətinə dair videoçarxlar təqdim olundu.
