Olimpiadaların məktəb turu
Bu gün məktəbimizdə Respublika fənn olimpiadalarının, fənn müsabiqələrinin və Lütfizadə adına Məntiq olimpiadasının məktəb mərhələsi keçirildi. Olimpiadaların keçirilməsində əsas məqsəd istedadlı şagirdlərin aşkar edilməsi, onlarda fənlərin dərindən öyrənilməsinə marağın artırılması, bilik və bacarığı ilə seçilən şagirdlərin seçilməsidir. Respublika fənn olimpiadası IX, X, XI –ci siniflər, fənn müsabiqəsi VI və VII siniflər, Lütfizadə adına məntiq olimpiadası isə V-ci siniflər arasında keçirildi. Verilən tapşırıqlar əsasında öz biliklərini yoxlayaraq ən yüksək nəticə göstərən şagirdlərimiz növbəti mərhələdə iştirak etmək hüququ qazandılar.
Növbəti mərhələdə şagirdlərimizə uğurlar arzulayırıq.
