"29 il Şəhidlik zirvəsində" mövzusunda inşa yazı aparılıb
20 Yanvar faciəsinin 29-cu ildönümü ilə bağlı V-IX sinif şagirdləri arasında “29 il şəhidlik zirvəsində” mövzusunda inşa müsabiqəsi keçirilib.
Müsabiqənin keçirilməsində məqsəd Azərbaycanın azadlığı uğrunda canlarını qurban vermiş, qəhrəmancasına həlak olmuş şəhidlərin əziz xatirəsini yad etmək, şagirdlərin vətənpərvərlik ruhunu gücləndirmək, onlarda silahsız insanları qətlə yetirən cəlladlara qarşı nifrət hissi oyatmaqdır.
Qalib şagirdlərin yazı işləri Binəqədi rayonu “Gənclər evi”nin 20 yanvar faciəsinin ildönümünü ilə əlaqədar təşkil etdiyi inşa müsabiqəsinə göndərilib.
İnşa yazılarında şagirdlər şəhidlik zirvəsinə ucalan insanların qəhrəmanlığını, vətən sevgisini hər şeydən uca tutduqlarını və onlar üçün örnək olduqlarını qeyd ediblər. Bildiriblər ki, onlar da vətənimiz, torpaqlarımız uğrunda fədakarlıq etməyə hazırdırlar.
