Yaşıl dünyamız
Məktəbimizdə "Yaşıl dünya naminə həmrəylik ili" çərçivəsində "Yaşıl dünyaya doğru " "Kiçik addımlar böyük uğurlar” adlı tədbir keçirilib.
Tədbirdə məktəb rəhbərliyi, şagirdlər, müəllimlər və valideynlər iştirak ediblər. Tədbirdə təbiətdə baş verən iqlim dəyişkənliyi, insanları narahat edən qlobal hadisələr, ətraf mühitin qorunması, təbiətə diqqət və qayğının artırılması barədə təqdimatlar dinlənilib.
Tədbir zamanı şagirdlərin ifasında təbiətə aid mahnılar, şeirlər səslənib, rəqslər ifa olunub, təqdimatlar edilib. Bədii kompozisiya nümayiş etdirilib.
Tədbirin keçirilməsində məqsəd şagirdlərin təbiət fənləri üzrə biliklərinin artırılması, onlarda yaşıl təbiəti qorumaq naminə həmrəyliyin formalaşması, təbiətə və ətraf mühitə qayğının aşılanmasıdır.
