Novruz adətləri
Məktəbimizdə “Dəyərlərimizi qoruyaq” şüarı altında Novruz çərşənbələri ilə bağlı tədbir keçirilib.
Tədbirin keçirilməsində məqsəd dəyərlərimizi yaşatmaq, böyüməkdə olan gənc nəslə aşılamaq və məktəbliləri milli-mənəvi dəyərlərimizə, adət-ənənələrimizə hörmət ruhunda tərbiyə etməkdir.
Novruz adətləri haqqında şagirdlərin bilgilərini möhkəmləndirmək üçün məktəbin həyətində tonqal qalanıb. Şagirdlər, müəllimlər, valideynlər tonqal ətrafına toplaşaraq şənlik ediblər. Şagirdlər tonqal üzərindən atlanaraq yallı gediblər.