Xalqına həsr olunmuş mənalı ömür yolu
Məktəbimizdə keçdiyi mənalı ömür yolu gənc nəsil üçün bir örnək,bir həyat,tərbiyə məktəbi olan ulu öndərimiz Heydər Əliyevin anım gününə həsr olunmuş silsilə tədbirlər keçirilir. Referatlar yazılır, divar qəzetləri,təqdimatlar hazırlanır. 08.12.2016-cı il tarixində isə Azərbaycançılıq,vətənpərvərlik ideyalarının canlı nümunəsi olan ulu öndərin xatirəsinə həsr olunmuş "H.Əliyev və müstəqil Azərbaycan"adlı tədbir keçirildi. Məktəbin direktoru M.H.İsmayılova tədbiri açaraq ümummilli liderin həyat və fəaliyyətindən danışdı,şadirdlərə vətəninə,xalqına bağlı olan, Azərbaycanlı olmağı ilə fəxr edən və bu hislərdən qürur duyan bu böyük insanın şəxsi nümunəsindən öyrənməyi tövsiyə etdi.Sonra şagirdlərin ifasında H.Əliyevə həsr olunmuş poemalardan parçalar dinlənildi,mahnılar ifa edildi,səhnəciklər göstərildi.
