Narkomaniyaya qarşı mübarizə tədbirləri keçirilib
Bu gün məktəbimizdə narkomaniyaya qarşı mübarizə istiqamətində maarifləndirici tədbir keçirilib. Tədbirdə Binəqədi Rayon Polis İdarəsinin əməkdaşları iştirak ediblər.
Tədbirin keçirilməsində məqsəd məktəblilərin zərərli vərdişlərdən uzaqlaşdırılması, onlarda sağlam həyat tərzinin formalaşdırmasıdır.
Tədbirdə məktəbin IX-XI sinif şagirdləri iştirak edib. Binəqədi Rayonu Polis İdarəsinin nümayəndələri narkotik maddələrin insan orqanizmində yaratdığı fəsadlardan danışaraq məktəblilərin zərərli vərdişlərdən qorunması, yad təsirlərdən uzaq olması, sağlam həyat tərzi keçirməsi istiqamətində tövsiyələr veriblər.
Şagirdlər mövzu ilə əlaqədar məruzə və tövsiyələri diqqətlə dinləyiblər və Binəqədi rayonu Polis İdarəsinin əməkdaşlarına təşəkkürlərini bildiriblər.
Sonda narkotiklərin insanın həyatında yaratdığı fəsadlar haqqında video-çarx izlənilib.
