Lütfi Zadənin 100 illik yubileyi qeyd edilib
Məktəbimizdə dünya şöhrətli alim, qeyri-səlis məntiq nəzəriyyəsinin banisi, Azərbaycan Milli Elmlər Akademiyasının fəxri üzvü, professor Lütfi Zadənin (Lütfəli Rəhim oğlu Ələsgərzadənin) anadan olmasının 100 illik yubileyi qeyd olunub.
Yubileylə əlaqədar açıq dərslər, məntiq olipiadası, “Dəyirmi masa” keçirilib. Tədbirlərdə görkəmli alimin həyatı və elmi fəaliyyəti barədə şagirdlərə geniş və ətraflı məlumat verilib.
Qeyd edilib ki, Lütfi Zadə fundamental nəzəriyyələri ilə elm tarixində ciddi dəyişikliklərə yol açmış görkəmli şəxsiyyətlərdəndir. Alimin ardıcıl tədqiqatlarının nəticəsi olaraq irəli sürdüyü qeyri-səlis məntiq nəzəriyyəsi müxtəlif elm sahələrinin müasir mərhələdə inkişafında dərin iz qoymuş və yeni yanaşma üsulları meydana gətirmişdir. Bu nəzəriyyə üstün intellektual texnologiyalara güclü təsir göstərmiş, müasir idarəetmə və informasiya-kommunikasiya sistemlərinin əsaslarının formalaşdırılmasında mühüm rol oynamışdır.
Lütfi Zadənin yaratdığı elmi məktəb və laboratoriyalar bir sıra ölkələrdə yarım əsrdən artıqdır ki, uğurla fəaliyyət göstərməkdədir.
Tədbirlərin keçirilməsində məqsəd şagirdləri maarifləndirmək, elmi yaradıcılığa həvəslərini artırmaqdır.
