"Üç alov" yaradıcılıq festivalının qalibləri
Azərbaycan Respublikası Təhsil Nazirliyi Respublika Uşaq-Gənclər İnkişaf Mərkəzi tərəfindən keçirilən “Üç alov” adlı uşaq və gənclərin onlayn Beynəlxalq folklor, klassik və müasir yaradıcılıq festivalının nəticələri açıqlanıb.
Məktəbimizin VIII “q” sinif şagirdi Əlili Şəms“ 12-14 yaş qrupunda instrument ifaçılığı (VİOLA) üzrə II yeri tutub.
IV ”q” sinif şagirdi Nuray Bayramova 9-11 yaş qrupunda milli rəqs üzrə “Damla” rəqs qrupunun tərkibində iştirak edib. III yerin qalibi olub.
Hər iki şagirdimizi təbrik edirik. Yeni - yeni nailiyyətlər arzulayırıq.
Qeyd edək ki, “Üç alov” onlayn Beynəlxalq Folklor, Klassik və Müasir yaradıcılıq festivalının əsas məqsədi uşaq, yeniyetmə və gənclərin bədii-estetik səviyyəsini yüksəltmək, mədəni həyat tərzinin formalaşdırılması, milli-mənəvi inkişafı, istedadların üzə çıxarılması, mədəni irsimizin qorunması, musiqi mədəniyyətinin inkişafının təmin edilməsi, bu sahədə onların bilik və bacarıqlarının genişləndirilməsi və artırılması, folklor, klassik və müasir istiqamətlərdə yaradıcılığın bütün sahələri üzrə istedadlı uşaq və gənclərin üzə çıxarılması, onların qabilliyətlərinin inkişaf etdirilməsinə dəstək olmaqdan ibarət olub.