Mənim hüquqlarım
“Hər bir insan onun mənsub olduğu irqdən, cinsiyyətdən, dildən, dindən, siyasi və digər baxışlardan, milli və sosial mənşədən, mülkiyyətdən, doğum və başqa hallardan asılı olmayaraq təmin olunmuş insan haqlarına və azad olmaq hüququna malikdir”. Bu sözlərlə dərsə başlayan tarix müəllimi Ramella Aslanova 7-ci sinifdə insan hüquqları, vəzifələri barəsində məlumat verdi. Şagirdlər diqqətlə müəlliməni dinlədilər və onları maraqlandıran suallara cavab aldılar. Ramella müəllimə şagirdlərin suallarını böyük həvəslə cavablandırdı.
