100 №-li tam orta məktəb

Narkotik maddələrdən və psixotrap maddələrdən sui-istifadə edən şəxslərin müəyyənləşdirilməsi məqsədilə şagirdlər ilə profilaktik tədbirlər keçirilir. 19 may 2023-cü il tarixində Binəqədi rayonu N.Fərəczadə adına 100 №li tam orta məktəbdə keçirilən tədbirdə. Binəqədi rayonu Polis İdarəsinin  rəisi polis polkovniki İlqar Məmmədov,polis idarəsinin yetkinlik yaçına çatmayanlar üzrə inspektor polis leytnantı Lalə Əliyeva,Binəqədi Rayon İcra Hakimiyyəti başçısının müavini Sevinc Süleymanova və məktəbin direktoru Gülnarə Məmmədova iştirak etdilər. Daxil işlər Nazirliyinin əhali arasında antinarkotik təbliğatının gücləndirilməsi məqsədilə blogerlər arasında müsabiqə elan edilməsi  mövzusunda söhbət aparıldı. “Ən yaxşı qısametrajlıfilm” naminasiyası üzrə 1-ci yerin qalibi Elvin İbrahimzadənin hazırladığı “Ad günü” filmi şagirdlərə təqdim edildi. Tək blogerlər yox,cəmiyyətdə yaşayan hər bir şəxs bu şüara qoşulmalıdır.

Bugün ulu öndərin siyasi xəttini uğurla davam etdirən Azərbaycan  Respublikasının Prezidenti cənab İlham Əliyev uşaq dövlət siyasəti ilə bağlı silsilə fərman və sərəncamlar imzalamışdır. Təsadüfi deyildir ki, ölkə başçısı cənab İlham Əliyev 2009-cu ili “Uşaq ili” elan etmişdir. 

Bugün  ölkəmizdə  uşaqların sağlam  mühitdə böyüməsi və tərbiyə alması, müvafiq standartlara cavab verən təhsil müəssisələrində oxuması üçün hər cür şərait yaradılmışdır. İstər təhsil, istər mədəniyyət, istərsə də səhiyyənin inkişafı uşaqlarımızın sağlam və hərtərəfli gələcəyi üçündür. Ölkəmizin sabahı olan uşaqları qorumaq və onların müdafiəsinə hamılıqla qoşulmaq hər  birimizin borcudur.

Azərbaycan Respublikasının İnsan Hüquqları üzrə Müvəkkili (Ombudsman) tərəfindən hər il olduğu kimi 18 may- 18 iyun tarixləri ölkəmizdə “İnsan Hüquqları Aylığı” elan edilmişdir. Bu mövzu ilə bağlı 15 mart 2023-cü il tarixdə Binəqədi rayon 100 saylı tam orta məktəbin V, VI, VII sinif şagirdləri ilə dəyirmi masa keçirildi.Şagirdlərlə "İnsan hüquqları" mövzusunda vacib məqamlar haqqında müzakirələr aparıldı.Həmçinin 5 iyun 2023-cü il tarixdə də məktəbin VIII sinif şagirdləri ilə eyni adlı mövzu ilə bağlı tədbir keçirildi.”İnsan Hüquqları Aylığı” çərçivəsində  uşaqların öz hüquqlarını bilməsi,qoruması haqqında fikirlər söyləndi.Sonda şagirdlərin fikirləri dinlənildi,sualları cavablandırıldı.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

Heydər Əliyev dünya görüşü, natiqliyi, incəsənətə, elmə, təlim-tərbiyəyə olan diqqəti, uşaqlara sevgisi ilə əsl liderdir. Bu il ölməz liderimizin 100 illik yubileyi münasibəti ilə, şagirdlərimi Fəxri xiyabana, Heydər Əliyevin məzarını ziyarətə apardım. Onları, onun haqda məlumatlar verərək sevgilərini daha da artırmaq, onu özlərinə örnək götürərək, onun kimi şəxsiyyət olmaları üçün marifləndirdim. Nəsillər boyu Heydər Əliyevin adı, əməlləri yaşayıb, yaşayır, yaşayacaq. Biz onu yaşadacayıq!!!