Novruz gəlir yaz gəlir
Ulu qaynaqlardan süzülüb gələn bir-birindən oynaq,şux,lətafətli Novruz nəğmələri əsrlər,qərinələr aşmış,gəlib bu günümüzə qədər çatmışdır. Novruz nəğmələri xalqın ədət-ənənəsini əks etdirir. Bu nəğmələr bənzərsizliyi,təkraredilməzliyi və milli koloriti ilə fərqlənən əsil xalq yaradıcılıq abidəsi, bütov sənət əsəridir.Hələ qədim zamanlardan Azərbaycanda od həmişə qorunub. Xalqın həm şad, həm də kədərli günündə tonqal köməyə gəlib,müjdəçi,carçı rolunu oynayıb. Od insan ömrü,taleyi,qisməti ilə bağlıdır.
