Novruz təzə il deməkdir
Bayramlar içində bir bayram var : ən doğma, ən əziz, ən sevimli bir bayram Novruz bayramı !
Novruz ''təzə il'' deməkdir, baharın ilk günüdür. Novzruzun gəlişi ilə evlərə, ailələrə yeni büsat, şadlıq və sevinc gəlir. Hamı çalışır ki, bu bayramı yüksək təntənə ilə, ürək sevinci ilə, qəlb fərəhi ilə qarşılasın. Novruz bayramı halallıq,təmizlik bayramıdır. Novruz bayramı xalqımızın həyata nikbin baxışının,təbiətin və insanlığın qələbəsinə inamının bayramıdır .Qaranquşların qanadında, ağacların, gül-çiçəklərin tumurcuğunda gəlir xalqımızın Novruzu, yurdumuzun baharı. Hamının dilində eyni sözlər səslənir: ''Bayramınız mübarək ! ''
