Xocalı soyqırımını unutmarıq
Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində bir vəhşilik aktıdır.Bu soyqırım, eyni zamanda bütün bəşəriyyətə qarşı tarixi bir cinayətdir.Artıq Xocalı faciəsinin soyqırım olmaqsı faktı dünyanın bir çox ölkələrinin və beynəlxalq təşkilatların qərarlarında,qətnamələrində əksini tapır.Dünyanın 13 ölkəsi parlament səviyyəsində, ABŞ-ın 22 ştatı parlament səviyyəsində,İslam Əməkdaşlıq Təşkilatı Xocalı soyqırımının rəsmən tanıyıb.Avropa İnsan haqları Məhkəməsi 2010-cu il 22 aprel tarixli qərarında Xocalının azərbaycanlılardan ibarət mülki əhalisinin qırılmasını “müharibə cinayətləri və ya insanlığa qarşı cinayətlər kimi qiymətləndirilə bilən xüsusilə ağır əməllər” kimi müəyyən edib.
