Lütfi Zadə -100
..Lütfi Zadə (Lütfəli Rəhim oğlu Əsgərzadə) - Azərbaycan əsilli alim, süni intelellekt sahəsində qeyri-səlis məntiq nəzəriyyəsinin banisi, Kaliforniya Berkli Universitetinin professorudur. Bu ali təhsil müəssisəsinin ömürlük professoru seçilmiş yeganə şəxsdir. Amerikadakı Azərbaycan diaspor təşkilatlarının fəxri sədridir.
Lütfi Zadə bir çox xarici ölkə akademiyalarının üzvüdür. O, çoxlu sayda mötəbər cəmiyyətlərin və fondların mükafatlarına layiq görülmüş, medallarla təltif edilmişdir. Onlarla xarici dövlət və ictimai təşkilatların fəxri doktorudur. Lütfi Zadə dünyada əsərlərinə ən çox istinad edilən alim sayılır. Təkcə 1990-2000-ci illərdə onun əsərlərinə 36000-dən çox istinad edilmişdir.
Kaliforniyanın Berkli şəhərində "İnformasiya Texnologiyaları üzrə Zadə İnstitutu" yaradılmışdır .Görkəmli elm xadimi Lütfi Zadənin 100 illik yubileyi ilə əlaqədar bir sıra tədbirlərin,məntiq olimpiadalarının,konfransların keçirilməsi nəzərdə tutulub.Məktəbin (9-cu sinif) informatika müəllimi Əhmədova Vəfa 9-cu sinif şagirdləri ilə birlikdə Lütfi Zadənin elmi yaradıcıllığına həsr olunmuş “açıq dərs” keçirdi. Şagirdlərin çıxışlarında professorun həyat və yaradıcıllığı haqqında məlumatlar səsləndirildi.
