Ulu Öndər Heydər Əliyevin xatirəsi anılıb.
Ulu Öndər Heydər Əliyevin xatirəsi anılıb.
12 dekabr 2024-cü il tarixdə məktəbin riyaziyyat müəllimi Sevinc Ağayeva rəhbərlik etdiyi VIII "a" sinfində ulu öndər Heydər Əliyevin Anım Gününə həsr olunmuş tədbir təşkil edib. Toplantıda məktəb rəhbərliyi də iştirak edib.
Tədbir Dövlət himninin səsləndirilməsi ilə başlanıb. Daha sonra ümummilli lider Heydər Əliyev və Vətən uğrunda şəhid olmuş oğullarımızın xatirəsi yad edilib. Sevinc müəllim Heydər Əliyevin həyat və fəaliyyətindən ətraflı söz açıb. Şagirdlər dahi şəxsiyyətin şərəfli həyat yolu haqqında təqdimatlar edib, onun müxtəlif mövzularda olan müdrik kəlamlarından nümunələr söyləyiblər. Ümummilli liderin zəngin irsini əks etdirən videoçarxlar nümayiş olunub.
Sonda məktəbin tərbiyə işləri üzrə direktor müavini Səbirə Həsənova çıxış edərək, yetişməkdə olan gənc nəslin Heydər Əliyev irsini dərindən və hərtərəfli öyrənməsini təqdir edib. O bildirib ki, bu gün daim azərbaycanlı olması ilə fəxr edən Heydər Əliyevin ruhu şaddır. Xilaskarı olduğu müstəqil Azərbaycanın ərazi bütövlüyü onun ideya və əməllərini davam etdirən Prezident, Müzəffər Ali Baş Komandan İlham Əliyevin rəhbərliyi ilə bərpa edilib, 30 ildən bəri düşmən əsarətində olan Qarabağ əbədi azadlığına qovuşub. Artıq Azərbaycanın dünəni və bugünü ilə yanaşı, gələcəyi, rifahlı sabahı da tam təmin edilib.
