Müəllim və şagirdlərimiz "Peşələr festivalı"nda iştirak ediblər.
Müəllim və şagirdlərimiz "Peşələr festivalı"nda iştirak ediblər.
04 dekabr 2023-cü il tarixdə məktəbimizin IX, X sinif şagirdləri məktəb rəhbərliyi və sinif rəhbərlərinin iştirakı ilə Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən Dənizkənarı Milli Parkın ərazisində təşkil olunmuş "Peşələr Festivalı"nda iştirak ediblər.
"Peşəni peşəkardan soruş!” devizi altında təşkil edilmiş peşə festivalının keçirilməsində əsas məqsəd yeniyetmə və gənclərin müasir əmək bazarı barədə məlumatlılığının və peşələrə marağının artırılması, o cümlədən əmək bazarının tələblərinə uyğun düzgün peşə seçimi etməsidir.
Festivalda iştirakçıların tanış olması üçün müxtəlif peşələrin stendləri sərglənib. Şagirdlər robototexnika, aşpaz, aqronom, bərbər, mobil telefonların təmiri, elektrik avadanlıqlarının təmiri, qrafik dizayner, geyim üzrə dizayner, fotoqraf peşələri və digər peşələr üzrə ekspertlərin təqdimatlarını izləyib, əyani şəkildə tanış olublar. Onları maraqlandıran peşələr barədə maraqlı məlumatlar alıblar.
