15 Sentyabr - Bilik Günüdür
15 Sentyabr - Bilik Günüdür!
15 sentyabr 2023-cü il tarixdə 10 nömrəli tam orta məktəbdə "Bilik Günü"nə həsr olunmuş tədbir keçirilib.
Tədbirdə məktəb rəhbərliyi, qonaqlar, müəllim və şagird kollektivi, valideynlər iştirak ediblər.
Dövlət Himninin səsləndirilməsi ilə başlayan tədbirdə torpaq uğrunda canından keçən Şəhidlərimizin əziz xatirəsi bir dəqiqəlik sükutla yad edilib.
Sonra məktəbin direktoru Şəfayət Orucova tədbir iştirakçılarını salamlayaraq, bütün şagirdləri, müəllimləri və valideynləri yeni - 2023-2024-cü tədris ilinin başlanması münasibətilə təbrik edib, onlara öz səmimi arzularını çatdırıb.
Nizami Rayon İcra Hakimiyyətinin nümayəndəsi Kəmalə Süleymanova çıxış edərək, bütün şagirdlərə uğurlar arzulayıb.
Daha sonra çıxış edən direktor müavini Səbirə Həsənova və digər müəllimlər yeni tədris ilində hər kəsə xoş arzularını bildiriblər.
Birincilərin ifasında təqdim olunan maraqlı çıxışlar tədbirə rəngarənglik qatıb.
Sonda şagirdlər ilk zəngin sədaları altında sinif otaqlarına yola salınıblar.
İlk dərslər "Heydər Əliyev Azərbaycanın xilaskarı və qurucusudur" mövzusuna həsr olunub.
