28 May - Müstəqillik Günü qeyd olunub.
28 May - Müstəqillik Günü qeyd olunub.
25 may 2023-cü il tarixində məktəbin riyaziyyat müəllimi Sevinc Ağayeva rəhbəri olduğu VI a sinif şagirdlərinin iştirakı ilə 28 May - Müstəqillik Gününə həsr olunmuş "Breyn-Rinq" intellektual-əyləncəli bilik yarışı - tədbir təşkil edib.
Tədbirdə məktəb rəhbərliyi, müəllimlər, şagirdlər iştirak ediblər.
Tədbir Dövlət Himninin səsləndirilməsi ilə başlayıb. Torpaq uğrunda canını fəda edən şəhidlərimizin əziz xatirəsi bir dəqiqəlik sükutla yad edilib.
Sonra iki komanda - "Dəmir yumruq" və "Xarıbülbül" komandaları arasında gərgin mübarizə başlayıb. Cüzi bal fərqilə qalib gələn "Dəmir yumruq" komandası birincilik qazanıb.
Tədbirin bədii hissəsində 28 May - Müstəqillik Günündən bəhs edən videomateriallar nümayiş olunub. Şagirdlərin ifasında milli rəqslər təqdim olunub, vətənpərvər ruhlu mahnılar, şeirlər səsləndirilib, səhnəciklər nümayiş olunub.
Sonda məktəbin direktoru Şəfayət Orucova çıxış edərək qeyd edib ki, Müstəqillik Günü Azərbaycan xalqının tarixində ən şanlı və parlaq səhifələrdən biridir. O bildirib ki, Ulu Öndər Heydər Əliyevin layiqli davamçısı, Azərbaycan Respublikasının Prezidenti cənab İlham Əliyevin rəhbərliyi ilə müəyyənləşdirilən və həyata keçirilən hərtərəfli düşünülmüş xarici siyasət nəticəsində şanlı Azərbaycan Ordusu 44 gün davam edən Vətən müharibəsində işğalçı Ermənistan ordusunu darmadağın edərək tarixi zəfərə imza atmış və uzun müddət işğal altında olan torpaqlarımızı azad etmişdir. Bu, Azərbaycan xalqının böyük tarixi Qələbəsidir. Bununla Müstəqillik Günü ikiqat əlamətdar tarixi bayrama çevrilib. Direktor, həmçinin tədbir iştirakçılarını bu bayram münasibətilə təbrik edib. Qalib komandanın üzvlərinə Diplom təqdim edib və hər bir şagirdə uğurlar arzulayıb.
