Ulu Öndər Heydər Əliyevin 100 illik yubileyinə həsr olunmuş referat müsabiqəsində şagirdimiz qalib olub.
Ulu Öndər Heydər Əliyevin 100 illik yubileyinə həsr olunmuş referat müsabiqəsində şagirdimiz qalib olub.
03 may 2023-cü il tarixində Bakı Şəhər İcra Hakimiyyətində ümummilli lider Heydər Əliyevin 100 illik yubileyinə həsr olunmuş paytaxt məktəbliləri arasında keçirilən "Heydər Əliyev və Azərbaycan tarixi" mövzusunda ənənəvi referat müsabiqəsinin yekunlarına həsr olunmuş elmi-praktik konfrans keçirilib. Konfransda Bakı Şəhər İcra Hakimiyyətinin başçısı Eldar Əzizov, Bakı Şəhəri üzrə Təhsil İdarəsinin müdiri Mehriban Vəliyeva, Bakı Şəhər İcra Hakimiyyətinin İctimai-siyasi, humanitar məsələlər və dini qurumlarla iş şöbəsinin müdiri Elmin İmanov, paytaxt rayonlarında keçirilmiş konfranslarda qalib seçilmiş məktəblilər, elmi rəhbərlər və media nümayəndələri iştirak ediblər.
Sevindirici haldır ki, 2500-dən çox Bakı məktəblisinin iştirak etdiyi bu müsabiqədə məktəbimizin IX c sinif şagirdi Quliyeva Fidan "Heydər Əliyev və qüdrətli Azərbaycan" mövzusunda yazdığı referat yazı ilə qalib şagirdlər sırasında yer alıb. Bu münasibətlə şagirdimizi təbrik edir, bundan sonra da ona uğurlar arzulayırıq!
