Aprel döyüşlərinə həsr olunmuş semınar keçirilib.
Aprel döyüşlərinə həsr olunmuş seminar keçirilib.
3 aprel 2023-cü il tarixində məktəbin tarix müəllimi Kərimova Nailə VII d sinfində Aprel döyüşlərinə həsr olunmuş "Aprel döyüşləri tariximizin şanlı səhifəsidir!" adlı seminar keçirib. Dövlət Himni səsləndirildikdən sonra şəhidlərimizin əziz xatirəsi bir dəqiqəlik sükutla yad edilib. Aprel döyüşlərindən bəhs edən videoçarxlar nümayiş olunub. Nailə müəllim çıxış edərək bildirib ki, dördgünlük Aprel döyüşləri ordumuzun gücünü, xalqımızın birliyini, həmrəyliyini və vətənpərvərliyini bütün dünyaya nümayiş etdirdi. O qeyd edib ki, Aprel döyüşlərində qazanılan qələbə Azərbaycan Prezidenti İlham Əliyevin uzaqgörən diplomatiyasının, uğurlu daxili və xarici siyasətinin, sərkərdə məharətinin, Ali Baş Komandanın daimi diqqət və qayğısı ilə əhatə olunan silahlı qüvvələrimizin əsgər və zabitlərinin peşəkarlığının, mənəvi-psixoloji hazırlığının, döyüş ruhunun, vətənpərvərlik hissinin yüksək səviyyədə olması və xalqımızın ordu ilə monolit birliyi nəticəsində mümkün olub.
