"Dəyərlərimizi qoruyaq!" layıhəsı davam etdirilir.
"Dəyərlərimizi qoruyaq!" layihəsi davam etdirilir.
16 mart 2023-cü il tarixində BŞTİ-nin "Dəyərlərimizi qoruyaq!" adlı Tədbirlər Planının 2.1-ci bəndinə əsasən IVc, IVç, IIIç sinif rəhbərlərinin təşkilatçılığı və şagirdlərin iştirakı ilə "Novruz - milli-mənəvi dəyərimiz" adlı tədbir təşkil olunub. Tədbirdə məktəb rəhbərliyi, müəllimlər, şagirdlər, valideynlər iştirak ediblər.
Dövlət Himni ilə başlayan bayram tədbirində Novruz bayramının tarixi, əsas xüsusiyyətləri, adət-ənənələri haqqında iştirakçılara geniş məlumat verilib. Şənlikdə uşaqlar Novruz bayramına aid mahnılar ifa edib, şeirlər söyləyib, səhnəciklər nümayiş etdiriblər. Şagirdlərin ifasında milli rəqslər, xalq oyunları, Su, Od, Yel və Torpaq çərşənbələrini təmsil edən personajların çıxışı, Keçəl və Kosanın məzəli əhvalatları, yumurta döyüşdürməsi, Bahar qızının gəlişi xüsusi maraqla qarşılanıb.
Sonda direktor müavini Səbirə Həsənova çıxış edərək, iştirakçıları Novruz bayramı münasibətilə təbrik edib, milli adət-ənənələrin gələcək nəsillərə ötürülməsinin və milli-mənəvi dəyərlərimizin qorunub saxlanılmasının vacibliyini diqqətə çatdırıb.
