1 Mart Ümumdünya Mülki Müdafiə Günü ilə əlaqədar tədbirlər keçirilib
1 Mart - Ümumdünya Mülki Müdafiə Günü ilə əlaqədar tədbirlər keçirilib.
01 mart 2023-cü il tarixində məktəbin II a sinfində Mülki Müdafiə Günü ilə bağlı sinif rəhbəri Yasəmən Səfərova və hərbi rəhbər Elxan Şükürovun hazırladığı maarifləndirici dərs keçirilib.
Əvvəlcə şagirdlərə fövqəladə hallar zamanı vətəndaşların hadisə yerindən təxliyə olunması, yaralı vətəndaşlara ilk tibbi yardım göstərilməsi barədə məlumat verilib. Elxan müəllim, həmçinin “Xəbərdarlıq siqnalları və vasitələri”, “Fərdi mühafizə vasitələrindən istifadə qaydaları” haqqında da söhbətlər aparıb. Yanğınsöndürən və əleyhqazdan istifadə qaydaları kimi məlumatlar şagirdlər tərəfindən maraqla qarşılanıb.
Daha sonra təlim-məşq üçün həyəcan siqnalı verilib. Şagirdlər təxliyə olunublar. Müəllim şagirdlərin cəld şəkildə həyətə çıxmasını təmin edib. Şagirdlərin yerində olub-olmadıqları yoxlanılıb.
Şagirdlər yaralanan insanlara ilk tibbi yardımın olunması ilə bağlı kiçik səhnəciklər nümayiş etdiriblər.
