Şəhidlər xiyabanı ziyarət olunub.
Şəhidlər xiyabanı ziyarət olunub.
Zaman ötür. İllər əsrlərə, əsrlər minilliklərə - tarixə çevrilir. Zaman axımında baş verən tarixi hadisələrin bəziləri müəyyən dövrdən sonra yaddan çıxır, unudulur, amma elə hadisələr də var ki, xalqın, millətin yaddaşında əbədiləşir.
20 Yanvar xalqımızın tarixində təkcə faciə deyil, həm də istiqlal mücadiləsinin qələbəsi, milli məfkurəmizin azadlıq istəyinin oyanış günüdür.
Məhz azadlıq qurbanlarının - 20 Yanvar şəhidlərinin xatirəsinin yad edilməsi məqsədilə 14 yanvar 2023-cü il tarixdə məktəbin riyaziyyat müəllimi Sevinc Məmmədhüseynova VI b və V c sinif şagirdlərinin Şəhidlər xiyabanına ziyarətini təşkil edib. Vətənpərvərlik ruhunda böyüyən yeniyetmələr şəhidlərimizin ruhunu dərin hörmətlə yad ediblər, onların məzarı üstünə tər qərənfillər düzüblər.
Allah bütün şəhidlərimizə rəhmət eləsin!
