12 Dekabr - Ümummilli Lider Heydər Əliyevin Anım Günüdür.
12 Dekabr - Ümummilli Lider Heydər Əliyevin Anım Günüdür.
Xalqımız hər il bu günü Ulu Öndər Heydər Əliyevin Anım Günü kimi böyük el məhəbbəti, minnətdarlıq hissi ilə qeyd edir.
Məktəbimizdə də bu böyük şəxsiyyətin Anım Günü münasibətilə X b sinif şagirdlərinin iştirakı ilə "Sən elə bir zirvəsən..." adlı dəyirmi masa keçirilib. Ümummilli Liderin əziz xatirəsi bir dəqiqəlik sükutla yad edilib.
Tədbiri giriş sözü ilə açan məktəbin tarix müəllimi Elnura Paşayeva çıxış edərək, görkəmli şəxsiyyət Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq missiyasından danışıb. O qeyd edib ki, bütün varlığı ilə Vətənə və xalqına bağlı olan Ümummilli Lider Heydər Əliyev öz həyatını, zəngin dövlətçilik təcrübəsini Azərbaycanın xoşbəxt gələcəyinə həsr edib.
Sonra şagirdlər dəyirmi masa ətrafında bu mövzuda diskussiya aparıblar.
