III ç sinfinin bayram tədbiri.
III ç sinfinin bayram tədbiri.
Məktəbin ibtidai sinif müəllimi Zülfiyyə Əliyevanın rəhbərlik etdiyi III ç sinfində "8 Noyabr - Zəfər Günü"nə həsr olunmuş tədbir keçirilib. Tədbirdə məktəb rəhbərliyi, müəllimlər, şagirdlər və valideynlər iştirak ediblər.
Əvvəlcə Dövlət Himni səsləndirilib, ardınca Şəhidlərimizin əziz xatirəsi bir dəqiqəlik sükutla yad edilib. Şagirdlər böyük Zəfərimizə həsr olunmuş şeirlər səsləndirib, mahnılar ifa ediblər. İgidliyi, mərdliyi ilə dillərdə dastan olan Şəhidlərimizin qəhrəmanlıqlarından bəhs edən videomateriallar nümayiş olunub.
Məktəbin hərbi hazırlıq rəhbəri I Qarabağ müharibəsi veteranı Elxan Şükürov çıxış edərək, övladlarımızın hərbi vətənpərvərlik ruhunda tərbiyəsinin formalaşmasında bundan sonra da əlindən gələni əsirgəməyəcəyini bildirib.
Sonda məktəbin direktoru Şəfayət Orucova öz çıxışında müzəffər Ali Baş Komandanın rəhbərliyi ilə rəşadətli Azərbaycan Ordusunun qazandığı şanlı qələbənin tarixi əhəmiyyəti, qalib Azərbaycan xalqının qələbədəki rolu, igid hərbçilərimizin döyüşlərdə göstərdikləri qəhrəmanlıq nümunələri haqqında ətraflı danışıb, şəhidlərimizin xatirələrinin yaddaşlarda əbədi yaşayacağını vurğulayıb.
