"Zəfər bağı" salınıb.
05 noyabr 2022-ci il tarixdə Bakı Şəhəri üzrə Təhsil İdarəsi tərəfindən keçirilən "Təbiəti qoruyanlar" layihəsi çərçivəsində paytaxt məktəblərində ağacəkmə aksiyası keçirilib.
Vətən şəhidlərinin əziz xatirəsinə həsr olunmuş bu aksiyada məktəbimizin müəllim və şagird kollektivi də həvəslə iştirak ediblər. Məktəbin həyətyanı sahəsində əvvəlcədən ayrılmış yerdə "Zəfər bağı" salınıb və simvolik olaraq 44 ağac əkilib.
Tədbirdə iştirak edənlər çıxış edərək bildiriblər ki, əkilən bu kiçik fidanlar Vətən şəhidlərinin ruhuna olan sədaqət nümunəsi kimi xatırlanacaq. Şagirdlərimiz vətənpərvər ruhlu şeirlər söyləyib, "Qarabağ Azərbaycandır" şüarını səsləndiriblər.
