Anım günü
Bakı Şəhəri üzrə Təhsil İdarəsinin F-191 nömrəli əmrinə əlavəyə əsasən 27 Sentyabr Anım Günü və 8 Noyabr Zəfər Günü ilə bağlı hazırlanmış Tədbirlər Planına uyğun olaraq 27 sentyabr 2022-ci il tarixdə məktəbimizdə Anım Gününə həsr olunmuş tədbir keçirilmişdir. Yığıncaqda məktəb rəhbərliyi, müəllimlər və şagirdlər iştirak etmişlər.
Dövlət Himninin səsləndirilməsi ilə başlayan tədbirdə Şəhidlərimizin əziz xatirəsi bir dəqiqəlik sükutla yad edilmişdir. Şagirdlərimizin ifasında ədəbi-bədii kompozisiya təqdim olunmuşdur. Şəhidlərimizin həyat və döyüş yolundan bəhs edən videoçarxlar nümayiş etdirilmişdir.
Sonda direktor Şəfayət xanım Orucova cıxış edərək, 44 gün ərzində apardığımız Vətən müharibəsində qalibiyyətimizin məhz Ali Baş Komandan İlham Əliyevin uzaqgörən siyasəti və Ordumuzun şücaəti sayəsində əldə olunmasını vurğulamışdır. Şəhadətə yüksəlmiş igid oğullarımızın həyat yolunu hər bir kəsə nümunəvi örnək göstərmişdir.
