15 Sentyabr - Bilik Günündə ilk dərslər "Qarabağ Azərbaycandır" mövzusuna həsr olunmuşdur.
15 sentyabr 2022-ci il tarixdə məktəbimizdə "Bilik Günü"nə həsr olunmuş rəsmi tədbir keçirilmişdir. Tədbir Dövlət Himninin səsləndirilməsi ilə başlanmışdır. Daha sonra Vətən uğrunda canından, qanından keçmiş Şəhidlərimizin əziz xatirəsi bir dəqiqəlik sükutla yad edilmişdir. Direktor Şəfayət Orucova çıxış edərək, yığıncaq iştirakçılarını salamlamış, məktəbə ilk dəfə qədəm qoyan körpə fidanlarımızı təbrik etmiş, bütün şagirdlərə yeni dərs ilində uğurlar arzulamışdır. Tədbirdə iştirak edən Nizami Rayon İcra Hakimiyyətinin nümayəndəsi Hüseyn Cəfərov öz çıxışında müəllim və şagirdlərə yeni tədris ilində müvəffəqiyyətlər diləmişdir. Tədris ilinin ilk zəngi çalındıqdan sonra şagirdlər siniflərə daxil olmuşlar.
