"Şuşa bizim qürur mənbəyimizdir"
18 may 2022-ci il tarixdə Azərbaycan Dillər Universitetinin Təlimdə İnnovasiyalar kafedrasının baş müəllimi Nailə Mönsümovanın rəhbərliyi altında məktəbimizdə pedaqoji təcrübədə olan tələbələr VI, VII, VIII sinif şagirdləri ilə birlikdə Şuşa ili ilə əlaqədar olaraq "Şuşa bizim qürur mənbəyimizdir" adlı tədbir təşkil etmişlər. Tədbirdə direktor Şəfayət Orucova, direktor müavinləri, müəllimlər və şagirdlər iştirak etmişlər.
Dövlət himni ilə başlayan toplantıda şəhidlərimizin əziz xatirəsi bir dəqiqəlik sükutla yad olunmuşdur. Daha sonra şagirdlərin ifasında vətənpərvərlik mövzusunda bir çox şeirlər və mahnılar səslənmişdir. Şuşanın tarixi, Xarıbülbül barədə təqdim olunan məlumatlar hamının marağına səbəb olmuşdur. Sonda təcrübəçi tələbələr şagirdlərlə birgə "Xudayar" təsnifini ifa edərək tədbiri sonlandırmışlar.
