"Nizami dünyası" adlı tədbir təşkil olunmuşdur.
29 dekabr 2021-ci il tarixdə Bakı Şəhəri üzrə Təhsil İdarəsinin F-56 nömrəli əmrinə əlavəyə əsasən Dahi Azərbaycan şairi və mütəfəkkiri Nizami Gəncəvinin 880 illik yubileyinin keçirilməsi ilə bağlı Tədbirlər Planına uyğun olaraq, Nizami irsinin öyrənilməsi məqsədilə məktəbin akt zalında dil-ədəbiyyat müəllimi Mirzəyeva Rəfiqənin təşkilatçılığı ilə "Nizami dünyası" adlı tədbir təşkil olunmuşdur. Tədbirdə məktəb rəhbərliyi, müəllim və şagirdlər də iştirak etmişlər.
Yığıncaq dövlət himni ilə başlanmışdır. Şagirdlər Nizami yaradıcılığından müəyyən obrazları canlandıraraq, səhnəciklər təqdim etmiş, müxtəlif qəzəllər söyləmişlər. Nizaminin sözlərinə yazılmış klassik musiqi əsərləri səsləndirilmişdir.
Daha sonra məktəb rəhbərliyi və dil-ədəbiyyat müəllimləri çıxış edərək, tədbirin təşkilatçılarına təşəkkürünü bildirmiş, klassiklərimizi daha dərindən öyrənmək işində bu kimi tədbirlərin əvəzsiz rolunu vurğulamışlar.
