"31 Dekabr - Dünya Azərbaycanlılarının Həmrəyliyi Günü"nə həsr olunmuş "Bir olaq, yumruq olaq" adlı tədbir təşkil olunmuşdur.
28 dekabr 2021-ci ildə məktəbin İllik Fəaliyyət Planına uyğun olaraq, tərbiyə işləri üzrə direktor müavini Səbirə Həsənovanın təşkilatçılığı ilə məktəbin akt zalında "31 Dekabr - Dünya Azərbaycanlılarının Həmrəyliyi Günü"nə həsr olunmuş "Bir olaq, yumruq olaq" adlı tədbir təşkil olunmuşdur. Dövlət himni ilə başlayan tədbirdə Vətən uğrunda canından, qanından keçən şəhidlərimizin əziz xatirəsi bir dəqiqəlik sükutla yad edilmişdir. Həmrəylik gününün yaranma tarixindən bəhs edən videoçarxlar nümayiş etdirilmişdir. Şagirdlər Həmrəylik gününü tərənnüm edən şeirlər söyləmiş, bu günün tarixçəsi ilə bağlı müəyyən maraqlı məlumatlar vermişlər.
Tədbirdə, həmçinin Həmrəylik gününün təsis olunmasında Ulu Öndər Heydər Əliyevin müstəsna xidmətlərindən danışılmış, xalqımızın birlik və həmrəylik nümayişinin bu gün də məhz prezidentimiz İlham Əliyev tərəfindən davam etdirildiyi vurğulanmışdır.
