Azərbaycan Kikboksinq Federasiyasının I vitse-prezidenti Ramal Aslanovla şagirdlərimizin görüşü keçirilmişdir.
17 dekabr 2021-ci il tarixdə məktəbin akt zalında Azərbaycan Respublikası Təhsil Nazirliyinin dəstəyi, Azərbaycan Respublikası Gənclər və İdman Nazirliyinin təşəbbüsü, Nizami Rayon Gənclər və İdman İdarəsinin təşkilatçılığı və rəhbərliyi ilə "Çempionumuz" sosial idman layihəsi çərçivəsində Kikboksinq üzrə respublika və beynəlxalq miqyaslı yarışların qalibi və mükafatçısı, dəfələrlə Avropa və Dünya çempionu, Qran-pri yarışının qalibi, yığma komandanın kapitanı, Azərbaycan Kikboksinq Federasiyasının I vitse-prezidenti Ramal Aslanovla şagirdlərimizin görüşü keçirilmişdir.
Azərbaycan Respublikasının dövlət himni ilə başlayan tədbirdə məktəb rəhbərliyi də iştirak etmişdir. Vətən müharibəsi şəhidlərinin əziz xatirəsi bir dəqiqəlik sükutla yad edilmişdir. İdmançı Ramal Aslanov çıxış edərək, həyatı və karyerası haqqında məlumat vermişdir. Daha sonra çempionumuzun keçirdiyi müxtəlif döyüşləri əks etdirən videoçarxlar nümayiş etdirilmişdir. Sonda idmançımız şagirdlərin suallarını cavablandıraraq, onlarla xatirə şəkli çəkdirmişdir.
