"Böyük Zəfər" devizli "Mini-futbol" üzrə turnirində məktəbimizin "Xəzri" komandası qalib olmuşdur
07.12. 2021-ci il tarixdə Azərbaycan Respublikası Gənclər və İdman Nazirliyi Nizami Rayon Gənclər və İdman İdarəsinin təşkilatçılığı ilə ABAD məhəllələr arasında "Böyük Zəfər" devizli "Mini-futbol" üzrə Nizami rayon turnirində məktəbimizin 2007-2008-ci il təvəllüdlü şagirdlərindən ibarət "Xəzri" komandası I yerin qalibi olmuşdur. Futbolçularımız Nizami Rayon Gənclər və İdman İdarəsi tərəfindən diplom və medallarla təltif olunmuşlar. Komandamız turnirin Bakı şəhər mərhələsində Nizami rayonunu təmsil etmək hüququ qazanmışdır. Bu münasibətlə yarışda böyük əməyi keçən məktəbin Fiziki tərbiyə müəllimi Teyyub Məmmədxanlıya təşəkkür edirik, şagirdlərimizi təbrik edir, onlara növbəti mərhələdə uğurlar arzulayırıq.
