"Bayraq Günü"nə həsr olunmuş tədbir keçirilmişdir
10 noyabr 2021-ci ildə məktəbin Fəaliyyət Planına əsasən "9 Noyabr - Bayraq Günü" münasibətilə tarix müəllimi Elnura Paşayevanın təşkilatçılığı və IX B sinif şagirdlərinin iştirakı ilə bu mövzuda dəyirmi masa keçirilmişdir. Toplantıda məktəbin tərbiyə işləri üzrə direktor müavini Səbirə Həsənova, dil-ədəbiyyat müəllimi Rəfiqə Mirzəyeva da iştirak etmişlər.
Elnura müəllim çıxışında "Bayraq Günü"nün mahiyyəti haqqında məlumat vermiş, bayrağın dövlət atributu kimi vacib amil olduğunu vurğulamışdır. Rəfiqə müəllim Azərbaycan bayrağının tarixi inkişaf yolundan danışmış, bu yolda Ulu Öndər Heydər Əliyevin fəaliyyətini yüksək qiymətləndirmişdir.
Sonda direktor müavini Səbirə Həsənova çıxış edərək, bayrağımızın qürur mənbəyimiz olduğunu qeyd etmiş, şagirdlərə hər zaman onu uca tutmağı tövsiyə etmişdir.
