5 noyabr 2021-ci ildə BŞTİ-nin "Zəfər Günü"nün qeyd edilməsi ilə bağlı müvafiq əmrinə əsasən "Zəfər dastanı" adlı tədbir təşkil edilmişdir
5 noyabr 2021-ci ildə BŞTİ-nin "Zəfər Günü"nün qeyd edilməsi ilə bağlı müvafiq əmrinə əsasən məktəbimizdə dil-ədəbiyyat müəllimi Aslanlı Familənin təşkilatçılığı ilə "Zəfər dastanı" adlı tədbir təşkil edilmişdir.
Tədbirdə məktəb rəhbərliyi, müəllimlər, şagirdlər, Yeni Azərbaycan Partiyası Nizami Rayon Təşkilatının baş təlimatçısı Selcan Novruzova, Nizami Rayon İcra Hakimiyyətinin nümayəndəsi Mürvət İbrahimov, Vətən müharibəsi iştirakçıları və qazilər iştirak etmişlər.
Yığıncaqda ilk öncə dövlət himni səsləndirilmişdir. Tədbiri giriş sözü ilə açan məktəbin direktoru Şəfayət Orucova 44 günlük Vətən müharibəsində qazanılan qələbənin Milli Qürur bayramı olduğunu qeyd etmiş, şəhidlərə Allahdan rəhmət, qazilərə can sağlığı diləmişdir. Canlarını Vətən uğrunda döyüşərək fəda etmiş şəhidlərimizin əziz xatirəsi bir dəqiqəlik sükutla yad olunmuşdur.
Şagirdlərin "Zəfər Günü"nə həsr olunmuş bir-birindən maraqlı çıxışları hər kəsə duyğulu anlar yaşatmışdır.
Çıxış edən qonaqlar zəfərə gedən yolun çətinliyindən, eyni zamanda bu yolda qazandığımız Qələbənin verdiyi qürurdan danışmışlar.
Sonda direktor Şəfayət Orucova Qazilərə Vətən müharibəsində göstərdikləri şücaətə, hərbi hazırlıq rəhbəri Elxan Şükürova gənclərin vətənpərvər ruhda yetişdirilməsində oynadığı rola, Familə müəllimə isə gənc nəslin təlim-tərbiyəsində göstərdiyi dəstəyə görə Fəxri Fərman təqdim etmişdir.
