1 №-li tam orta məktəb

  Məktəbin kitabxana müdiri Useynova Z, 5 "A" sinfi ilə birlikdə ədiblərimizdən -C.Məmmədquluzadənin və S.Vurğunun ev muzeyinə ekskursiya təşkil etmişlər. Sinif rəhbəri B.Ləman bu ekskursiyanın dəyərli olduğunu da vurğulamışdır. Muzeyin əməkdaşları bu ədiblər haqqında şagirdlərə ətraflı məlumatlar vermişlər. Şagirdləri maraqlandıran sualları da həvəslə cavablandırmışlar. Belə ekskursiyaları təşkil etmək bizim həm vəzifə, həm də vətəndaşlıq borcumuzdur.

   1 İyun Uşaqların Beynəlxalq Müdafiəsi Günüdür. Bu gün bütün dünyada uşaq hüquqlarının qorunması, onların sağlam, təhlükəsiz bir mühitdə böyüməsi üçün  bu gün bayram kimi qeyd olunur. 1950-ci ildə BMT Baş Assambleyası tərəfindən bu günün qeyd olunması qərara alınıb.Eyni zamanda uşaqların hüquqlarının qorunmasına diqqəti yönəltmək üçün əhəmiyyətli bir gündür. Bu gün uşaqların təhsil, sağlamlıq, istirahət, əyləncə və digər hüquqlarının təmin edilməsi ilə bağlı tədbirlərin görülməsinə dair daim dövlət tərəfindən dəsdək verilir. 

   Mayın  30 -da məktəbin Uşaq Birliyi Təşkilatı Rəhbəri H.Vüsalə, Təşkilatçı Məlikova Aygün ibtidai və yuxarı siniflər ilə birgə  "Uşaqlar bizim gələcəyimizdir" adı altında tədbirlər keçirmişdir. Ayrı -ayrı ibtidai siniflərdə şagirdlər rəsm işləri nümayiş etdirmiş, xammal materialdan hazırlanmış gips qabları rəngləmişlər. Onlar eyni zamanda mahnılar ifa etmiş, cizgi film qəhrəmanlarına aid səhnəciklər göstərmişlər. 

 May ayının 30-da məktəbin həyətində " 1 İyun Uşaqların Müdafiəsi Gününə" həsr olunmuş tədbir keçirilmişdir.Tədbirin giriş hissəsində Himn səslənmiş, şəhidlərimiz bir dəqiqəlik sükutla yad edilmişdir. İbtidai siniflər rəngli təbaşirlərlə yerdə müxtəlif şəkillər çəkmiş, böyük siniflər malbert üzərində rəsm işləri yaratmışlar.

Bakı Şəhəri üzrə Təhsil İdarəsinin tabeliyində fəaliyyət göstərən təhsil müəssisələrində 28 May-Müstəqillik Günü ilə bağlı tədbirlər keçirilib.

Dövlət himninin səsləndirilməsi ilə başlayan tədbirlərdə şərqdə ilk demokratik respublika olan Azərbaycan Xalq Cümhuriyyətinin yaranma tarixi, keçdiyi inkişaf yolu, cümhuriyyətin mövcud olduğu qısa müddətdə xalqımızın mədəni inkişafına, elm, təhsil sahəsinin tərəqqisinə verdiyi töhfələr barədə şagirdlərə geniş məlumat verilib. 

 Həmçinin ölkəmizin müstəqilliyi bərpa olunduqdan sonra qazanılmış uğurlardan, dövlət quruculuğu sahəsində ümummilli lider Heydər Əliyevin əvəzsiz xidmətlərindən bəhs edilib. Ulu öndər Heydər Əliyevin siyasi kursunun Prezident İlham Əliyev tərəfindən uğurla davam etdirildiyi nəzərə çatdırılıb.

Şagirdlər müstəqilliyə, vətənpərvərliyə həsr olunmuş şeirlər söyləyib, mahnılar oxuyub, ədəbi-bədii kompozisiyalar nümayiş etdiriblər.

  Mayın 8 -də məktəb foyesində Ulu öndər H.Əlirza oğlu Əliyevin 102  illiyi ilə bağlı məktəbin foyesində foto sərgi keçirilmişdir. Mövzu ibtidai siniflərdə  davam etmişdir. Siniflərdə video -çarxlar göstərilmiş, maarifləndirici məlumatlar verilmişdir."Heydər xalqın deyəcək , xalq Heydər söyləyəcək " adlı keçirilən sərgidə şagirdlərin əl işləri nümayiş olunmuşdur